Trajneri i njohur argjentinas, Alejandro Sabella, ka ndërruar jetë në moshën 66 vjeçare. Gazeta e njohur “La Nacion” ishte e para që raportoi vdekjen e ish-menaxherit i cili kishte qenë në spital që nga 25 nëntori, dita kur Diego Maradona vdiq.
Raporti përmend vetëm se ai kishte ‘disa probleme shëndetësore’, edhe pse ishte një çështje kardiake që e çoi atë në spital.
Puna e Sabella si trajner i Estudiantes dhe ekipit kombëtar të Argjentinës është ajo për të cilën ai njihej më së miri por ai gjithashtu ka luajtur si futbollist në Angli për Sheffield United dhe Leeds United.
Ai e drejtoi kombëtaren argjentinase për 3 vjet, 2011–2014.
