Në Kosovë, u raportuan të martën 17 viktima nga koronavirusi dhe 557 raste të reja pozitive.
Instituti Kombëtar i Shëndetësisë Publike bëri me dije se rastet e reja rezultojnë nga 1 541 tamponë të analizuar.
Numri më i madh i tyre është në Komunën e Prishtinës: 217.
Instituti raportoi edhe për 727 pacientë të shëruar nga koronavirusi.
Me këto shifra, numri i përgjithshëm i të infektuarve në Kosovë arrin në 43 881, i viktimave në 1 137 dhe i të shëruarve në 30 157.
Raste aktive aktualisht janë 12 587.
