Avokati i Popullit ka reaguar në lidhje me vrasjen e 25 vjeçarit që u vra mbrëmjen e djeshme nga efektivi i policisë.
Nëpërmjet një postimi të bërë në rrjetet sociale, ata kërkojnë që të hetohet sa më parë vrasja e të riut.
Ndër të tjera kërkojnë që ky rast të ndiqet me prioritet në mënyrë që të zbardhet sa më parë për e vërteta. Në fund ata e mbyllin thirrjen e tyre duke deklaruar se e drejta për jetën e çdo njeriu duket të jetë e mbrojtur me ligj.
Reagimi i plotë:
AVOKATI I POPULLIT HETON MBI RASTIN E VRASJES SË NJË TË RIU NGA POLICIA Avokati i Popullit u njoh mëngjesin e sotëm nga mediat me lajmin e vrasjes së një të riu me iniciale K.R, 25 vjeç nga një punonjës i Policisë së Shtetit me armë zjarri.
Për hetimin e kësaj ngjarjeje është përfshirë Shërbimi për Çështjet e Brendshme dhe Ankesat dhe Prokuroria.
Ndërkohë nga Avokati i Popullit ky rast do të ndiqet me prioritet në vijim, me qëllim zbardhjen sa më shpejt të së vërtetës, duke u kryer një hetim i plotë e i gjithanshëm nga organet kompetente.
E drejta për jetën e çdo njeriu duhet të prevalojë në çdo rrethanë e situatë e të mbrohet me ligj!
