Drafti që u publikua para pak ditësh në media, lidhur me ndryshimet e propozuara në Kodin Penal, që parashikojnë burg edhe për memet në rrjetet sociale, ka ndezur debate të shumta.
Publicisti Koloreto Cukali i ftuar në Open tha se fryma që ka ky nen është marrë nga Italia, por neni atje është shumë problematik konsiderohet si një nga më të këqinjtë.
“Nuk ka rëndësi në ca niveli është drafti, por të diskutojmë mbi të që ta ndreqim. Fryma që ka ky nen, është marrë nga Italia, por neni atje është shumë problematik konsiderohet si një nga më të këqinjtë në Europë. Mirë bëhet që punohet mbi shpifjen por këtu shoh se është rënduar akoma më shumë ky nen, shton masat dhe represionet”, tha ai.
Me të njëjtin qëndrim është shfaqur edhe avokati Adriatik Lapaj. Ai tha se kapitulli ka problematikat e veta. “Ka vend për rregullim për shpifjen, por shoh problematike disa pika. Mënyra si është bërë nuk është e sinqertë”, tha ai.
