Futbollisti i PSG-së Jese Rodrigez ka pësuar një tjetër goditje të rëndë në karrierë.
Spanjolli është përjashtuar nga skuadra e PSG-së pasi akuzohet nga partnerja e tij Aurah Ruiz për tradhti në kohën që fëmija e tyre i sapolindur ishte i sëmurë.
Jese akuzohet se tradhtoi partneren e tij me shoqen e saj të ngushtë, teksa skandali i pak kohëve më parë është zbuluar së fundmi.
Ngjarja e disa muajve më parë u rikthye sërish në dritë, teksa Hese u shfaq në programin televiziv “La casa fuerte” për t’u përballur me partneren e tij.
Për këtë arsye, drejtuesit e PSG-së, të zhgënjyer nga sjellja e lojtarit, i cili pak kohë më parë u kap në një festë me shumë njerëz duke mos respektuar asnjë masë të COVID-it, kanë vendosur t’i ndërpresin kontratën, e cila skadonte në qershor të vitit tjetër.
