Është mbyllur pjesa e parë mes Tiranës dhe Partizanit, ndeshje e vlefshme për javën e 6-të në Kategorinë Superiore.
Minutat e para u karakterizuan nga një kujdes i madh i skuadrave për të mos pësuar gol. Ndërkohë në minutën e 17′ u regjistrua goditja e parë në portë. Ishte Ardit Toli që provoi me një distanca, por pa problem për Alban Hoxhën.
Nga ana tjetër Partizani pati një rast të artë në minutën e 26-të. Pas një harkimi nga këndi të Kotes, Bardhi, goditi bukur me kokë, në shtyllën e dytë, por u ndal mjaft bukur nga gardiani Bekaj.
Të kuqtë ishin më aktivë në minutat e mbetura të pjesës së parë duke u shfaqur më kërkues. Në minutën e 30-të Solomon me një gjuajtje të rrezikshme nga jashtë zonës por topi devijohet në këndore nga Najdovski.
Për tu përmendur është edhe fakti, që Torasa u ndëshkua me të verdhë për Tiranën në minutën e 37-të, pas ndërhyrjes së gabuar ndaj Kotes.
