Mbrojtësi i Juventusit, Merih Demiral, është dëmtuar sërish dhe do të duhet të qëndrojë jashtë të paktën për dhjetë ditë.
Mbrojtësi turk u dëmtua në ndeshjen ndaj Dynamo Kiev dhe u zëvendësua nga Dragus njëzet minuta para fundit të ndeshjes.
Për Demiral, pra, parashikohet një ndalesë e re menjëherë pas kthimit të tij, duke pasur parasysh që pat humbur Ferencvarosin dhe Beneventon po për dëmtim muskulor.
Me Chiellini jashtë, duhet të jetë radha e Danilos për t’u rreshtuar përkrah Bonuccit dhe De Ligt në mbrojtje kundër Torinos në derbin e së shtunës pasdite.
