Ditën e nesërme, futbolli shqiptar “mban frymën” pasi luhet derbi i kryeqytetit, Tirana-Partizani.
Sfida do të luhet në stadiumin e ri “Air Albania” me fillim nga ora 18:00. Të kuqtë e drejtuar nga Ilir Daja vijojnë përgatitjet e në këtë takim vijnë me moralin e lartë dhe si kryesues të Superligës deri më tani.
Grupi i lojtarëve është i plotë, Jasir Asani është rikuperuar plotësisht dhe është gati të zbresë në fushë nga minuta e parë. Daja tashmë ka vendosur për 11-shen titullare dhe nuk pritet të ketë shumë ndryshime nga formacionet e fundit që kanë luajtur në kampionat.
Formacioni i mundshëm i Partizanit: Hoxha, Idrizaj, Bitri, Belica, Hakaj, Kote, Asani, Mala, Bardhi, Solomon, Cardozo.
