Makina e përplasur dje me kalimtarët në një zonë këmbësorësh në qytetin perëndimor të Gjermanisë, Trier, i ka marrë jetën pesë personave, përfshirë një vogëlushe vetëm nëntë javëshe.
Kjo është konfirmuar nga policia që ka arrestuar tashmë shoferin, një banor lokal 51 vjecar. Prokurorët thanë se i dyshuari kishte sasi të konsiderueshme alkooli në gjak. Autoritetet thanë se ata nuk po punonin në pistën e një aksidenti me qëllime politike apo të lidhura me besimin fetar. Kryebashkiaku i qytetit e quajti ngjarjen të tmerrshme.
Dëshmitarët thanë se njerëzit ulërinin të përfshirë nga paniku dhe disa u hodhën në ajër nga makina që po udhëtonte me shpejtësi në rrugët Brotsrtasse dhe Sieonstrasse drejt portave të famshme romane të qytetit, Porta Nigra. Incidenti ndodhi në orën 13.45 minuta dhe i dyshuari e ngau makinën për 1 km duke goditur të gjithë ata që i dilnin përpara para se të ndalohej nga një makinë policie.
Viktimat ishin tre gra të moshës 25,52 dhe 73 vjec. Policia tha se edhe babai 45 vjecar i foshnjës kishte humbur jetën në aksident ndërsa bashkëshortja e tij dhe djali një vjecar ishin plagosur dhe po trajtoheshin në spital. Sipas të dhënave të para, dyshohet se autori kishte probleme psikiatrike. Ai nuk kishte të dhëna të mëparshme kriminale, nuk kishte një adresë fikse dhe jetonte në makinë. Rasti ktheu në kujtesë sulmin e 2016 në Berlin, kur një militant islamik ngau një makinë të vjedhur përmes një tregu krishtlindjesh, duke i marrë jetën 12 personave dhe duke plagosur dhjetëra të tjerë. Ai u qëllua për vdekje nga policia italiane katër ditë më pas.
