Miliarderët rusë vazhdojnë të çudisin me shpenzimet marramendëse. Një nuse ruse, vajzë e një manjati të naftës ka pasur dasmën më të shtrenjtë të të gjitha kohërave pasi ka shpenzuar pa hesap për një dasmë si në përralla.
Madina Shokirova, vajza e mandatit të naftës Ilkhom Shokirov i ka dhënë fund beqarisë duke u martuar me një burrë të identifikuar vetëm si Sador. Në këtë ceremoni martesore Madina kishte veshur në fustan nusërie të mbuluar me xhevahirë, me një vlerë marramendëse prej afërsisht 600 mijë euro. Të ftuarit ishin rreth 900 persona, ku përveç familjarëve dhe të afërmve, ishin miq dhe anëtarë të tjerë të elitës ruse.
Dasma si në përrallë u mbajt në hotelin luksoz të Moskës, Radisson Royal Congress Park, ku çmimi i një suite presidenciale për një natë është 5 mijë euro. Madina, bashkëshorti i të cilës thuhet se ka lidhje me presidentin e Uzbekistanit, duket e mrekullueshme me fustanin e realizuar nga Ralph& Russo.
Nusja zgjodhi këtë markë më pak të njohur, duke refuzuar një fustan për dasmën nga një prej shtëpive kryesore Zuhair Murad. Fustani i mrekullueshëm prej dantelle ishte dekoruar me qëndisje argjendi, dhe qindra perla dhe kristale Swarovski, ndërsa stilisti ishte një britanik.
