“Drejtësia është një sistem i paplotë dhe drejtësia e vonuar është drejtësi e munguar”, tha ish-deputeti i PD, Arben Ristani, në studion e ‘Java në RTSH’, duke komentuar mungesën e Gjykatës së Lartë dhe asaj Kushtetuese.
Ai komentoi edhe përplasjet në SPAK mes socialistëve dhe demokratëve që kanë paditur njëri-tjetrin për inceneratorët dhe privatizimin e ish-klubit spotiv ‘Partizani’.
“Qëllimi, anti-sistem për të mbrojtur interesat korruptive. Akuzat mes palëve interpretohen si lojë elektorale, por thelbi është që sistemi është cënuar rëndë. Unë u përkas njerëzve që kam punuar në drejtësi, por edhe si politikan e konsideroj nevojë absolute.
Unë nuk e mbështes një sistem me kursantët e dikurshëm që u arnua sistemi. Sigurisht ata më pas u bënë profesionistë, por për aq kohë sa iu desh ata i rënduan drejtësisë.
Halli jonë sot është të zgjidhim raportin mes drejtësisë dhe efikasitetit të saj në ndjekje të krimit.
Të gjithë duhet ta mbështesim drejtësinë për ta mbrojtur nga presioni politik”, tha Ristani.
