Sizmologu Edmond Dushi, në një intervistë për Euronews Albania, tregoi se në zonën e tërmetit të 26 nëntorit situata aktualisht paraqitet e qetë edhe pse goditjet e njëpasnjëshme kanë qenë të fuqishme.
Momentalisht siç tha dhe sizmologu ka vetëm disa goditje sporadike të cilat nuk janë aspak për t’u shqetësuar.
“Në fakt pasgoditjet janë tregues që zona është gjithmonë në relaksim kështu që në momentin që flasim për të qenë të qetë qytetarët atëherë duhet të kemi parasysh që ato pasgoditjet e forta që ndodhën në momentet fillestare, në ditët apo muajt e parë pas tërmetit, ato përbënin një lloj shqetësimi sepse ndiheshin nga qytetarët dhe banesat e dëmtuara mund të kishin probleme të mëtejshme. Aktualisht këto pasgoditje që ne regjistrojmë, që mund të jenë një ose dy në javë, janë pasgoditje të papërfillshme”, u shpreh Dushi.
