Atalanta ka marrë një fitore mbresëlënëse 2-0 në fushën e Liverpool-it.
Një natë ëndrrash në Champions League për Gjimshitin me shokë, që mbeten në garë për t’u kualifikuar në raundin pasardhës. Golat që kanë vendosur takimin janë shënuar në pjesën e dytë. Ilicic ka zhbllokuar sfidën në minutën e 60-të, ndërsa Gosens e ka mbyllur në të 64-ën.
Skuadra nga Bergamo merr kështu revanshin për atë humbje 0-5 në shtëpi pikërisht nga “The Reds”, 3 javë më parë.
Liverpool mbetet në vendin e parë të Grupit D me 9 pikë, ndërsa Atalanta mbetet në vendin e tretë me shtatë pikë, po aq sa Ajax-i i vendit të dytë që mbrëmjen e sotme ka marrë një fitore 3-1 në shtëpi kundër Midtjylland-it të vendit të fundit.
Fitore edhe për Porto-n në Grupin C. Ekipi i Coneicao ka triumfuar 2-0 në fushën e Marseille, duke i eliminuar këta të fundit nga kompeticioni.
Portugezët mbajnë vendin e dytë me 9 pikë, ndërsa francezët janë të fundit me 0 pikë pas katër ndeshjesh.
Rezultatet e mbrëmjes në Champions league:
