Policia e Tiranës ka arrestuar sot një 41-vjeçar, i cili akuzohet se se përndiqte një 28-vjeçare, duke i krijuar asaj gjendje frike dhe pasigurie.
Në një njoftim për mediat, autoritetet bëjnë me dije se 41-vjeçari V.N. ishte në “arrest shtëpie”, por dilte nga banesa dhe përndiqte të renë.
“Nga specialistët për Hetimin e Krimit në Komisariatin e Policisë Nr. 6 u bë arrestimi në flagrancë i shtetasit V. N., 41 vjeç, pasi duke qenë me masë sigurie “Arrest në shtëpi” është larguar nga vendi i qëndrimit dhe ka përndjekur një 28-vjeçare, duke i krijuar asaj gjendje frike dhe pasigurie”, njofton Policia e Tiranës.
