Gjatë samitit virtual të G20, presidenti rus Vladimir Putin iu tha liderve të vendeve më të industrializuara të botës, se Rusia është gati t’ia sigurojë vaksinën e saj kundër Covid-19, çdo vendi tjetër të botës, që ka nevojë.
Këtë javë, mes luftës së kompanive dhe shteteve për të siguruar një vaksinë efikase kundër koronavirusit, Rusia tha se vaksina e saj “Sputnik V” ishte 92% efektive.
Ndërkohë Putin lajmëroi se Rusia ka në fazën e saj finale të testimeve edhe një vaksinë të dytë dhe të tretë, për të krijuar atë që e cilësoi “Një portofol të vaksinave të sigurta”.
Vetë Rusia renditet ndër vendet më të prekura në botë, sa I takon rasteve ditore, pas SHBA, Indisë, Brazilit dhe Francës.
