Ditën e djeshme u luajt java e 3-të e Kategorisë Superiore. Dy takime u luajtën në orën 13:45, teksa Skënderbeu triumfoi 0-2 në transfertë ndaj Bylisit, ndërsa Kastrioti dhe Apolonia u ndanë me një barazim 1-1.
Ndërkohë në orën 16:45 u luajtën 3 supersfida. Vllaznia mposhti në një klasike spektakolare Tiranën me rezultatin 3-2. Goli i fitores i shkodranëve u shënua nga ish-lojtari i bardhebluve, Dunga në minutën e 97-të të takimit.
Dy sfidat e tjera, Partizani-Laçi dhe Teuta-Kukësi u mbyllën në barazim pa gola, pavarësisht lojës së bukur që zhvilluan skuadrat.
Pas javës së tretë, kampionati kryesohet nga Vllaznia në kuotën e 9 pikëve. Një start i mrekullueshëm i sezonit nga kuqeblutë, të cilët kanë arritur të marrin pikët maksimale.
Kampionia në fuqi, Tirana, ka bërë një fillim të dobët të sezonit, teksa ka humbur 2 takime në 3 javët e para, duke treguar se nuk është më ajo e sezonit të kaluar.
Renditja e Kategorisë Superiore:
