Ministria e Shëndetësisë ka reaguar lidhur me vdekjen e foshnjës 16-muajshe në Pediatrinë e Tiranës. Fëmija kishte shenjat klinike për S.Kawasaki. Kjo është një sëmundje që prek kryesisht fëmijët.
“I ndjekur dhe trajtuar në pavionin COVID në Pediatrinë e Tiranës për gjendjen dhe shenjat klinike për S. Kawasaki, gjendja e tij u rëndua brenda 24 orëve dhe më pas është dërguar në terapinë intensive ku, megjithë mjekimin me terapinë e plotë të trajtimit dhe përpjekjet e mëdha të mjekëve të reanimacionit, nuk ka mundur të mbijetojë, si pasojë e një komplikacioni të rrallë (Sindroma Inflamatore Multisistemike) ndër komplikacionet më të rralla që haset në moshën fëminore si pasojë e COVID19”, – thotë Ministria e Shëndetësisë.
Çfarë është sëmundja Kawasaki?
Sëmundja Kawasaki, e njohur edhe si sindroma Kawasaki, është një sëmundje e rrallë në fëmijëri, e cila bën që muret e enëve të gjakut në trup të acarohen.
Sipas Shërbimit Kombëtar të Shëndetit në Mbretërinë e Bashkuar (NHS), ajo prek kryesisht fëmijët nën moshën 5 vjeç.
Simptomat përfshijnë një temperaturë të lartë që zgjat pesë ditë ose më gjatë, së bashku me një skuqje në qafë, buzë të thata e të plasaritura, gishtërinj dhe sy të kuq.
LEXO EDHE:
Rekord i zi viktimash në Shqipëri/ 15 të vdekur nga koronavirusi, 436 të shtruar në spitale
Koronavirusi/ Tjetër ditë e zezë për Shqipërinë, 836 të infektuar në 24 orët e fundit! Harta
