Seriali i familjes mbretërore “The Crown” është në sezonin e katërt. Në serial janë paraqitur të gjitha ngjarjet që kanë ndodhur në familjen mbretërore që në momentin që Elizabeth është bërë mbretëreshë.
Në sezonin e 4-të, tregohet historia e princeshë Dianës, ku zbulohen disa detaje që jo të gjithë mund t’i dinin për të. Princeshë Diana, vuante nga Bulimia, dhe këtë gjë e ka thënë dhe ne intervistë për BBC në të cilën tregoi dhe për divorcin dhe martesën e vështirë.
“Episodi përfshin skena të një çrregullimi të ngrënies, të cilat disa shikues mund t’i konsiderojnë shqetësuese”, këto janë fjalët që do të lexoni që në fillim të serisë së parë.
Aktorja Emma Corrin, e cila luan Princeshën Diana, gjithashtu vuri në dukje gravitetin e temës, megjithëse ajo pajtohet që beteja e Princeshës së ndjerë me buliminë duhej të portretizohej. Corrin beson se të hedhësh dritë mbi këtë pjesë të vështirë të jetës së Dianës mund të jetë një gabim.
Bulimia është një çregullim psikologjik i të ngrënit, që karakterizohet me intervale të të ngrënit të pakontrolluar, zakonisht me sasi të mëdha ushqimi, pasuar nga metoda joadekuate për të hequr qafe ushqimin e konsumuar (të vjella dhe marrje e laksativëve), në përpjekje për kontrollim të peshës. Brengosja e tepruar për formën dhe peshën janë gjithashtu karakteristika të bulimisë.
