I ftuar në emisionin “Arena” në RTV Ora, deputeti i Partise Socialiste, Besnik Bare u shpreh se duhet të kufizojmë trafikun se është provuar si faktori për përhapjen e infeksionit Covid.
“Si masë paraprake para se të shkohet te mbyllja, duhet të kufizojmë trafikun se është provuar si faktori për përhapjen e infeksionit. Kam folur në mënyrë periferike me ekspertët e shëndetësisë në vend për këtë gjë.
Në nivel globale duke u bërë monitorimi i PM 2.5 në shumë vende ka rezultuar se vdekshmëria për shkak të cilësisë së ajrit te personat me Covid është rreth 25%. Vendet që kanë nivel më të ulët të PM 2.5 janë vendet baltike”, tha ai.
Deri më sot nuk kemi dëgjuar një teori të ngjashme si kjo e deputetit socialist, i cili duket se po ecën në gjurmët e kolegëve të tij të Rilindjes, që mendojnë se muzika përhap koronavirusin.
