Një 34 -vjeçar nga Elbasani është arrestuar nga policia e Tiranës pasi ishte shpallur në kërkim për veprën penale të “Shfrytëzim të prostitucionit në rrethana rënduese”.
Sipas njoftimit, specialistët e Komisariatit të Policisë Nr 3, kanë bërë të mundur kapjen e Fabio Ullorja, 34 vjeç, lindur në Elbasan dhe banues në Tiranë”.
Ai është arrestuar, pas sinjalizimeve se fshihej në zonën e “Unazës së Re” Tiranë.
Për 34-vjeçarin, Gjykata e Elbasanit, në vitin 2015, e ka dënuar me 7 vjet e 11 muaj e 24 ditë burg, për veprat penale “Shfrytëzim të prostitucionit në rrethana rënduese”.
