Kombëtarja e Shqipërisë ka marrë një fitore shumë të rëndësishme kundër Kazakistanit duke u ngjitur kështu në vendin e dytë në grupin katër të Ligës C .
Ndryshe nga tre ndeshjet e fundit, skuadra e drejtuar nga trajneri Edi Reja tregoi një futboll cilësor me shumë raste shënimi që nga minuta e parë e ndeshjes si dhe një vendosmëri dhe angazhim maksimal për të marr një fitore e cila ishte shumë e rëndësishme për të ndjekur rrugën e kualifikimit për në Kampionatin Evropian 2021.
Në fund të ndeshjes, lojtari më i vlerësuar ishte Rey Manaj me notën e lartë 8.8. Ish-sulmuesi i Interit pati një paraqitje fantastike ku edhe realizoi golin e tretë për Shqipërinë nga pika e bardhë.
