Ministrja e Shëndetësisë, Ogerta Manastirliu, në një deklaratë për mediat, ka folur për situatën e pandemisë në vendin tonë, të cilën e konsideroi kritike, por të kontrollueshme.
Manastirliu tha se sa i takon numrit të rasteve dhe të fataliteteve, Shqipëria renditet më mirë se të gjitha vendet e rajonit, ndërsa shtoi se vatrat më të mëdha të infektimit janë ato familjare.
“Situata është e kontrollueshme, por mbetet kritike,. për shkak se kemi një dyfishim të rasteve në raport me një muaj më parë. Situata e pandemisë kërkon analiza dinamike, ditore, javore dhe 14 ditore. Shqipëria qendron në një incidencë dy javore, 901 raste për 100 mijë banorë, më ulët në krahasim me të gjitha vendet e rajonit. Për ne çdo jetë është e vlefshme, ngushëllime të sinqerta të gjithë familjarëve të viktimave të Covid.
Ne jemi më poshtë se të gjitha vendet e rajonit, sa i takon numrit të fataliteteve. Vihet re një rritje e vatrave të infektimit, ku janë mbi 200 të tilla, dhe 76 prej tyre janë vatra familjare. Këtu dua të vë theksin te roli që çdo qytetar ka në frenimin e përhapjes së virusit, në momentin që ke dijeni oër kontakt me person të prekur, ke shenja, duhet menjëherë që të izolohesh, fronti i parë i përballjes me virusin është ai individual”, deklaroi ministrja.
Në vijim ajo tha se spitali Covid4 është gati dhe do të hapet pas plotësimit të kapaciteteve të 3 strukturave të dedikuara Covid dhe më tej do të vijohet me hapjen sipas 3 skenarëve të spitaleve rajonale.
“Jemi në mometet ku thirrjet arrijnë deri në 3000, vetëm ditën e djeshme në numrin unik 127 janë pritur 2996 thirrje, sepse mos harrojmë që urgjenca po punon me kapacitet të plotë pret thirrje dhe jep shërbim edhe përtej COVID-19, 1269 thirrje janë vetëm për COVID-19. Rreth 300 thirrje janë për kryerjen e tamponit. Shkohet në banesët dhe asistohet, monitorohet dhe vlerësohet nëse është rast për t’u derguar në spital ose jo.
Gjithashtu 0800 40 40 jep informacion mbi mjekun ne familjes dhe nepërmjet saj mund të lidhen me mjekun e familjes”, tha Manastirliu.
Sipas saj, spitali COVID4 është gati dhe do të hapet pas plotësimit të kapaciteteve të 3 strukturave të dedikuara Covid dhe më tej do të vijohet me hapjen sipas 3 skenarëve të spitaleve rajonale, të cilët janë parapërgatitur për trajtimin e pacientëve me COVID-19 duke e çuar kapacitetin ne mbi 1600 shtretër për trajtimin e pacientëve të prekur nga virusi.
