“Në të gjithë vendin janë rreth rreth 600 mësues prekur ose të karantinuar dhe mbi 1300 nxënës”, u shpreh Albana Vokshit, përfaqësuesja e Partia Demokratike, në një deklaratë për shtyp.
“Në Tiranë, në dy ditët e fundit janë 280 nxënës, rreth 120 mësues të prekur osë karantinuar. Në Korçë janë mbi 100 mësues të prekur me COVID-19 dhe në 3 shkolla në Lezhë janë 20 mësues”, tha Vokshi.
Ajo tha se 10 mësuesit e vdekur për shkak të COVID19, mund të ishin shpëtuar “nëse Qeveria do rë reaguar në kohën e duhur dhe do të kishte zbatuar planin e propozuar nga PD”.
Ish-deputetja i kërkoi qeverisë të mbyllë shkollat “që nuk plotësojnë asnjë kusht higjeno – sanitar e sigurimi i ambjenteve të tjera të përshtatshme”.
Po ashtu, apeloi që të bëhen në shkolla testime masive, shkollat të pajisjen me maska mbrojtëse, dezinfektant, alkool, termometër dhe të kryhet dezinfektim i rregullt i ambjenteve mësimore, të merren mësues shtesë, dhe të japet paketë mbështetëse 100-150 Euro në muaj për arsimtarët.
