Kryeministri Edi Rama ka marrë në mbrojtje sot Komitetin Teknik të Ekspertëve, madje k zgjedhur që të zhvlerësojë edhe shumë nga emrat e njohur të mjekësisë shqiptare, përfshi këtu edhe profesorin dhe imunologun e njohur, Genc Sulcebe.
Sulcebe ka kritikuar mënyrën se si po menaxhohet pandemia nga strukturat shëndetësore. Por për Kreun e Qeverisë kritikat nuk kanë vlerë, pasi ato bëhen nga emra që nuk menaxhojnë strukturat.
Madje Rama ka zgjedhur që ti krahasojë kritikat me “muhabetet e futbollit”.
“Profesor Sulçebe nuk është ekspert menaxhimi në strukturat spitalore. Në një ndeshje ka sulmues ka mesfushor, ka mbrojtës.
Ashtu si edhe në bluzat e bardha, dikush është ekspert për syrin, dikush për veshët, një tjetër për zemrën. Një mjek për veshët nuk jep dot mend për syrin” tha Rama, që me këtë teori zhvlerësoi çdo fakt kritik për pandeminë, duke bërë thirrje të gjithëve që t’i besojnë vetëm Komitetit Teknik të Ekspertëve”, tha Rama.
Genc Sulcebe, Doktor në Mjekësi dhe Doktor Shkencash, profesor në imunologji në Katedrën e imunologjise në Fakultetin e Mjekësisë të Universitetit të Mjekësisë të Tiranës, dhe përgjegjës i Shërbimit Universitar të Imunologjisë në Qendrën Spitalore “Nënë Tereza” në Tiranë, duket se nuk ia mbush mendjen Ramës me kritikat e tij.
Por çuditërisht, vetë Kryeministri ka zgjedhur që në krye të Komitetit Teknik të Ekspertëve, të emërojë një neurologe, Mira Rakacollin, e cila nuk ka asnjë lidhje me pandemitë.
Lidhjen e vetme mund ta bëjë Edi Rama si piktor që është, por që shfaqet edhe si ekspert i ekonomisë, shëndetësisë, policisë, ushtrisë, madje edhe si gjeneral i luftës me armikun e padukshëm.
Ja çfarë deklaroi profesori Sulcebe një ditë më parë
“Stop antibiotikëve stop kortizonikëve, ulin sistemin imunitar. Është një infeksion viral i cili vetëm në 10% jep komlikacione për t’u shtruar në spital dhe 10% janë njerëzit e rrezikuar, meshkujt mbi 60-vjeç, ata me sëmundje shoqëruese, një grup kontigjen që është i rrezikuar.
Të tjerët nuk kanë nevojë të marrin asnjë lloj mjekimi. Sistemi imunitar normal e dominon virusin dhe vetë-shërohet, në rastet ekstreme ky virus mund të japi komplikacione, vetë sistemi imunitar jep një farë bllokimi dhe këtu duhet kortizoniku, vetëm në stadin e vonshëm, pas 10 ditëve. NË 10 ditëshin e parë sistemi imunitar reagon dhe e eliminon virusin,
Ata që e kalojnë si gripë të lehtë mos merr asnjë lloj mjekimi. Mjekime të pa dëgjuara, abuzive dhe që janë skandaloze. Sistemi imunitar normal, të gjithë ne kështu e kemi, kemi shkallë të ndryshe të reagimit, ne e kalojmë këtë infeksion, jep një gjendje gripale, zgjat pak por imuniteti e përballon dhe vetëshërohet. Ka raste që jep komplikacione, që jep një farë bllokimi të rrugës së mushkërive dhe duhet medikament. Vetëm në stadin e vonshëm pas 10 ditëve. Ditët e para sistemi imunitar reagon dhe e largon virusin. Ndonjëherë saturimi i oskigjenit gënjen, ndonjëherë nuk janë të sakta. Një gjykim i kujdesshëm i mjekut, i cili duhet të thotë duhet drejtuar në spital apo jo”, u shpreh mjeku.
