Ish-kryeministri i Shqipërisë, Sali Berisha i bëri thirrje Kosovës por dhe gjithë shqiptarëve që të marrin seriozisht kërcënimet për luftë të bëra nga presidenti serb. Aleksandar Vuçic.
Ai tha se Serbia nuk i ka shpallur kuftë vetëm Kosovës, por gjithë rajonit, prandaj duhet të ketë një reagim dhe për t’i rezervuar fundin e hidhur një shteti që nuk ka fituar një luftë.
Pjesë nga biseda:
Gazetari: Çfarë komenti keni për deklarata e Vuçiç i cili kërcënoi me luftë?
Berisha: Me këtë deklaratë Gebelsi i Millosheviçit miku i zemrës i argatit zografit bis, dëshmoi veten një Millosheviç të vërtetë, unë nuk kam dyshuar kurrë se ai ëhstë një Millosheviç në miniaturë. Shqipëtarët që e marrin joseriozisht këtë deklaratë nuk janë shqiptarë. Kjo deklaratë duhet marrë me seriozitetin më të madh. Shqipëtarët nuk kanë pse i bëjnë thirrje kurrkujt, po të përgatiten vetë për ta bërë gebelsin e Millosheviçit që të mos mendojë më kurrë për luftë.
Gazetari: Po thoni që Kosova të bëhet gati për luftë?
Berisha: Kosova të mbrohet, Kosova nuk do luftë, luftën nuk e përmendi ai. I them Gebelsit të Millosheviçit se vendi i tij nuk ka fituar kurrë një luftë. Nëse ka një vend në botë që nuk ka fituar një luftë, ai vend ka emrin Serbi. Po ndërmorre një aventurë tjetër do të vësh në dyshim ekzistencën.
Gazetari: Por kryeministri shqiptar nuk ka thënë ende një fjalë?
Berisha: Se çel dot gojën kryeministri shqiptar, duhet t’i vijë teksti nga Beogradi. Sernisë i duhet rezervuar humbja finale. Nëse serbia kërcënon me luftë rajoni ka të drejtë ta bëjë zap me të gjitha drejtimet.
