Kryeministri Edi Rama ka vendosur të bëjë ndryshime në Kabinetin Qeveritar, në postet e zv.ministrave. Më konkretisht Rama ka emëruar Besart Kadian si zv.ministër të Financave dhe Ekonomisë.
Vendimi, sipas burimeve qeveritare, është marrë rreth 1 javë më parë por zyrtarisht nuk është publikuar deri mesditën e 11 nëntorit.
Burimet bëjnë me dije se Kadia, një prej aktivistëve të shoqërisë civile dhe medias, pritet të zyrtarizohet si pjesë e kabinetit Rama.
Pak kohë më parë, Kadia paralajmëroi krijimin e një partie të djathtë, bashkë me një grup tjetër aktivistësh dhe pedagogësh, por duket se oferta e bërë nga Kryeministri Edi Rama ka bërë që ai të heqë dorë nga projekti i krijimit të një tjetër partie të djathtë, sikundër kishte paralajmëruar.
Në debatet televizive, Kadia shpeshherë është shfaqur kritik ndaj Ramës dhe më pranë kreut të PD, Lulzim Basha. Nuk dihet nëse për këtë vendim, Kadia është konsultuar ose jo me kreun e demokratëve, ka marrë prej tij ose jo mbështetje.
