Lëkundje tërmeti janë shënuar këtë të pasdite në Maqedoninë e Veriut, ndërsa janë ndjerë dhe në vendin tonë.
Sipas informacioneve paraprake nga IGJEUM, në orën 3.25 pasdite është regjistruar tërmet me magnitudë 5 i shkallës rihter me epiqendër në Gostivar.
Lëkundjet janë ndjerë dhe në vendin tonë, madje deri në Tiranë, në katet e larta të banesave.
Orët e para të mëngjesit, Maqedonia e Veriut u godit nga një tjetër tërmet me magnitudë 5.1 i shkallës rihter. Lëkundjet e orës 3:54 të mëngjesit u raportua se u ndjenë edhe në vendin tonë. Nga autoritet maqedonase, nuk është raportuar për dëme materiale.
