Agjenti i Karim Benzema ka kritikuar hapur, Raphael Varane, në rrjetet sociale pas humbjes 4-1 të Real Madrid ndaj Valencia mbrëmjen e së dielës.
Mbrojtësi francez shënoi një autogol në humbje, gjë që bëri që Karim Djaziri – përfaqësuesi i Benzema – të bëjë një koment në Twitter.
“Pas ndeshjes kundër Man City, ai ka qenë një hije e vetvetes,” tha Djaziri për Varane, duke iu referuar dy gabimeve të qendërmbrojtësit në Ligën e Kampionëve në gusht.
Varane është thirrur nga Didier Deschamps për ndeshjet e Francës gjatë nëntorit ndërsa Benzema, si në çdo grumbullim pas vitit 2015, nuk është përfshirë.
“Çdokush mund të ketë një lojë të keqe, por në ndeshjet e tjera duhet të jesh në maksimumin tënd.” tha Deschamps në lidhje me formën e Varane.
