Situata e koronavirusit në Itali është ‘jashtë kontrollit’ dhe nevojitet një bllokim i ri kombëtar, paralajmërojnë shefat e shëndetit të vendit Apenin.
Situata e koronavirusit në Itali është aktualisht thuajse “jashtë kontrollit’, paralajmëroi një ekspert kryesor shëndetësor, ndërsa si përgjigje ndaj situatës mjekët kërkuan një bllokim të ri kombëtar, për t’iu kundërvënë një vale të dytë të rasteve të të infektuarve.
“Kam frikë se nuk ka dyshim se situata është kryesisht jashtë kontrollit,” tha për TV RAI të hënën Massimo Galli, kreu i departamentit të sëmundjeve infektive në spitalin e njohur Sacco të Milanos.
“Sëmundjet e tjera nuk hyjnë në llogari, sepse Covid ekziston dhe ne duhet të organizohemi … përndryshe pandemia do të përfundojë duke na bërë dëm që tejkalon shifra shumë të trishtuara të vdekjeve,” shtoi ai.
Italia regjistroi 32,616 raste të reja të koronavirusit të Dielën, duke e çuar gjithsej në 935,104 numrin e të infektuarve.
Sakaq, 25,271 raste të reja me koronavirus janë shënuar gjatë 24 orëve të fundit.
Sipas autoriteteve shëndetësore është regjistruar një numër i lartë i viktimave, ku 356 pacientë humbën jetën.
Ndërkohë gjatë 24 orëve të fundit janë shëruar 10, 215 pacientë të prekur me COVID-19.
Në disa spitale, pacientëve u jepet oksigjen i shtrirë në barela në korridore ndërsa vendi po mbaron nga shtretërit
Eksperti i sëmundjeve infektive Galli mbështeti thirrjen e bërënga federata kombëtare e shoqatave mjekësore për një ‘bllokim total në të gjithë vendin’.
Në një përpjekje për të trajtuar numrin në rritje të rasteve, qeveria e Kryeministrit Giuseppe Conte javën e kaluar vendosi një shtetrrethim në të gjithë vendin nga ora 10:00 deri në 5 të mëngjesit gjatë së cilës kohë njerëzit mund të largohen nga shtëpia vetëm për punë ose arsye mjekësore.
Katër rajone kanë masa më të ashpra, me lëvizjet e kufizuara të banorëve.
Në të gjithë vendin mbajtja e maskës është e detyrueshme si brenda ashtu edhe jashtë.
Kufizimet e reja e ndajnë vendin në tre zona (të kuqe, portokalli dhe jeshile) sipas ashpërsisë së shpërthimit në zonat lokale.
Në zonat e kuqe, të gjitha bizneset jo thelbësore janë mbyllur, ndërsa në zonat portokalli restorantet dhe baret janë mbyllur, por disa shërbime, përfshirë sallonet e flokëve kanë mbetur të hapura.
Zonat e gjelbërta, ndërkohë, nuk kanë kufizime shtesë mbi masat kombëtare.
Më shumë se 50 milion infeksione Covid-19 janë regjistruar deri tani në botë.
Sipas rregullave kombëtare, shkollat mbeten të hapura, por nxënësve të rritur u kërkohet të përfundojnë mësimin në distancë.
Kapaciteti i transportit publik është shkurtuar në një përpjekje për të ndaluar njerëzit që largohen jashtë shtëpive të tyre, po ashtu e dhe kinematë, palestrat dhe muzetë gjithashtu janë mbyllur.
Në rast izolimi total, Shqipëria pritet të ndjekë modelin italian.
