Kreu i opozitës Lulzim Basha ka replikuar sërish me kryeministrin Edi Rama, pas akuzave të këtij të fundit për raportin e Dick Marty.
Me anë të një reagimi në twitter Basha shkruan sërish se Rama gënjen dhe shpif, dhe gjithçka e bën për të larguar vëmendjen nga dështimi ndaj pandemisë.
Ja postimi i Bashës:
Të gjithë e kuptojnë se ti gënjen e shpif vetëm për të larguar vëmendjen nga pyetjet që ju interesojnë vërtet qytetarëve:Pse qindra shqiptarë kanë humbur jetën nga COVID si rezultat i dështimit tënd? Pse spitalet janë mbushur plot dhe të sëmurët dergjen në ambulanca dhe korridore? Pse e ke shkatërruar ekonominë? Pse nuk ju jep ndihmë financiare të prekurve nga COVID? Pse e ke mbyllur derën e BE? Shqiptarët kanë nevojë për një kryeministër që punon për ta e jo një klloun të dështuar si Rama.Bashkë do ti fitojmë zgjedhjet & do shërojmë plagët e hapura nga ai!
