Policia e Durrësit ka arrestuar një 22-vjeçare të shpallur në kërkim për “prodhim dhe shitje narkotikësh” si dhe “Futja ose mbajtja e sendeve të ndaluara në institucionin e ekzekutimit të vendimeve me burgim”.
Sipas policisë ajo është identifikuar si Vilma Jonuzi dhe ishte dënuar nga Gjykata e Shkodrës me 5 vite burg.
Arrestimi i saj u krye në banesën e saj në lagjen nr.12 të qytetit.
Njoftimi i policisë:
Specialistët për Hetimin e Narkotikëve në DVP Durrës, në vijim të punës për kapjen e personave në kërkim dhe vënien e tyre para përgjegjësisë penale, në bazë të informacioneve të siguruara në rrugë operative, në lagjen nr.12, Durrës, në banesën e saj kapën dhe ndaluan shtetasen:
Vilma Jonuzi, 22 vjeçe, pasi Gjykata e Shkallës së Parë Shkodër, e ka dënuar me 5 vjet burg, për veprat penale “Prodhim dhe shitja e narkotikëve” dhe “Futja ose mbajtja e sendeve të ndaluara në institucionin e ekzekutimit të vendimeve me burgim”.
Materialet i kaluan Prokurorisë së Rrethit Gjyqësor Durrës dhe Prokurorisë së Rrethit Gjyqësor Shkodër, për veprime të mëtejshme.
