“Me sulmin nga demokratët radikalë në Senatin Republikan, Presidenca bëhet akoma më e rëndësishme”.
Ky koment i Trump në Twitter vjen pasi Sekretari i shtetit i Georgia-s thotë se do të bëhet një rinumërim në shtet për shkak të një gare kaq të ngushtë.
“Me një diferencë kaq të vogël, do të ketë një rinumërim në Georgia,” tha Sekretari i Shtetit Brad Raffensperger.
Zyrtarët thonë se ata presin të dinë rezultatin deri në fund të Nëntorit. Donald Trump nuk ka ndërmend që të pranojë humbjen e zgjedhjeve, në prapaskenë ka zhvillime të tjera.
Këshilltari ekonomik i Trump, Larry Kudloë u shpreh se mendon se do të ketë një kalim paqësor të pushtetit.
Komentet e tij vijnë ndërsa Joe Biden udhëheq në Pensilvani. “Unë mendoj se do të ketë një kalim paqësor të pushtetit. Unë mendoj se tregjet kanë qenë jashtëzakonisht të qeta dhe elastike dhe në të vërtetë më të forta gjatë këtyre gjashtë muajve të fundit.
