Në një magazinë në Lushnje, afër autostradës Fier-Durrës, është ngarkuar sasia rekord prej 2.6 ton kanabis që u sekuestrua në Mal të Zi.
Gazeta Mapo ka siguruar foto gjatë operacionit të RENEA-s dhe të kësaj magazine, ku janë gjendur prova që droga u vendos brenda kamionit në këto ambiente.
RENEA ka qenë mëngjesin e së enjtes në këtë magazinë, ku u arrestua edhe Përparim Shurdhi, pronar i magazinës. Gjatë operacionit janë sekuestruar pamje filmike, si dhe është rindërtuar intinerari i kamionit që erdhi nga Greqia.
Në pranga në Shqipëri ka rënë Përparim Shurdhi, pronari i kësaj magazine dhe Arlind Tabaku. Ndërkohë në Mal të Zi u arrestua shoferi i kamionit, Elvis Çalik.
Kamioni me targa shqiptare, ishte ngarkuar me fruta perime dhe kishte destinacion Gjermaninë.
3 personat e arrestuar e kanë hapur kamionin brenda magazinës, kanë vendosur lëndën narkotike dhe më pas, mjeti ka vijuar rrugën për në Mal të Zi, pasi me letra ishte tranzit.
Autoritetet e Malit të Zi dyshuan se kamioni mund të ishte hapur në Shqipëri prandaj vendosën ta kontrollonin. Brenda gjetën të paketuar edhe 2.6 ton kanabis.
Një sasi e madhe droge, që tregon se në vendin tonë ka patur kultivim kanabis, ndryshe nga ajo që pretendon Policia e Shtetit.
Përparim Shurdhi dhe Arlind Tabaku, kanë treguar edhe emrat e bashkëpunotrëve, por detajet mbahen sekrete nga policia./Mapo.al/
LEXO EDHE:
Ngarkuan 2.6 ton kanabis në Lushnje/ Kush janë dy të arrestuarit (EMRAT+FOTO)
