Neymar, kapiteni i Brazilit në “Rio 2016”

“Ylli” i Barcelonës, Neymar, do të jetë kapiteni dhe lideri i Brazilit në Lojërat Olimpike, që do të zhvillohen gjatë verës në Rio de Zhaneiro. Ai do të jetë një nga tre futbollistët mbi moshën 23 vjeç, që lejohen të luajnë në Olimpiadë, dhe do të mbajë shiritin e kapitenit me synimin për të fituar medaljen e artë në veprimtarinë që do të zhvillohet në vendin karioka. Neymar do të jetë kapiteni i Brazilit në “Rio 2016” Trajneri i Brazilit, Carlos Dunga, ka pasur një takim me lojtarin, gjatë katër ditëve që ai qëndroi në Brazil, dhe atje ranë dakord që Neymar do të ishte kapiteni i Brazilit. Ky lajm nuk bën të lumtur Barcelonës, që pas impenjimeve në Kupën e Botës dhe në Kupën e Amerikës Latine, Neymar do të kalojë sërish një muaj vere duke luajtur futboll. Edhe Miranda i Inter do të shkojë në “Rio 2016” Futbollistët e tjerë mbi moshë që do të grumbullohen nga Dunga, sipas asaj që bën të ditur shtypi brazilian, do të jenë qendërmbrojtësi i Inter, Miranda dhe mesfushori i Chelsea, Willian. Nëse ndonjëri prej tyre nuk do të ishte i gatshëm fizikisht, atëherë do të merren në konsideratë Dani Alves i Barcelonës dhe Luiz Gustavo i Wolfsburg.