Stafi i presidentit amerikan, Donald Trump po mbledh para për sfida të mundshme ligjore për shkak të rezultatit të zgjedhjeve, kur janë numëruar shumica e votave të rregullta.
“Demokratët do të përpiqen të Vjedhin Zgjedhjet! Presidenti Trump ka nevojë për JU që të rritni dhe të Mbroni rezultatet”, thuhet në një thirrje të stafit të Trump.
Nënpresidenti Mike Pence ka dalur gjithashtu duke bërë kërkesa.
“Na duhet ndihma juaj për t’u siguruar që kemi burimet e duhura për të mbrojtur rezultatet”, thuhej në një email që mbante emrin e tij, raporton WSJ.
Të dy palët kanë mbledhur afër vetes ekipe avokatësh në pritje të një lufte ligjore.
