Shefi i politikës së jashtme në Bashkimin Evropian Josep Borrel njofton se ka zhvilluar një bisedë telefonike këtë të martë me kryeministrin e vendit Edi Rama. Në fokus të bisedës, thuhet në njoftimin e përfaqësuesit të lartë, ka qenë angazhimi i Shqipërisë në rrugën drejt integrimit evropian, angazhim ky shumë vendimtarë në përmbushjen e kushteve të vendosura nga konkluzionet e muajit mars të këtij viti dhe në funksion të konferencës së parë ndërqeveritare.
Borrel thekson se Shqipëria po përpiqet të ec përpara, por nuk lë pa nënvizuar faktin se ka ende shumë punë për të bërë në rrugën drejt integrimit, duke vënë theksin tek reformat dhe tek kontributi i partive politike.
Deklarata e plotë
Përfaqësuesi i Lartë përshëndeti angazhimin e Kryeministrit Rama për të çuar Shqipërinë përpara në rrugën e saj të pranimit në BE dhe përparimin vendimtar në përmbushjen e kushteve të vendosura nga konkluzionet e Këshillit të Marsit 2020, të cilat vendi është afër për të përmbushur, në funksion të konferencës së parë ndërqeveritare.
Me Shqipërinë më afër se kurrë në fillimin e negociatave të pranimit në BE, Përfaqësuesi i Lartë nënvizoi nevojën për të vazhduar kryerjen e reformave kryesore të identifikuara nga Këshilli. Kontributi i të gjitha forcave politike do të jetë i dobishëm në sjelljen e vendit në hapin tjetër.
Në lidhje me politikën e jashtme, Përfaqësuesi i Lartë Borrell vlerësoi harmonizimin e vazhdueshëm të Shqipërisë me pozicionet e politikës së jashtme të BE.
I welcome Albania’s commitment to moving forward on EU accession path.
As discussed with Prime Minster Rama @ediramaal, it is crucial to maintain the dynamic of the EU-Western Balkans relationship. With #Albania playing an important role. pic.twitter.com/mmcDQXUWWG
— Josep Borrell Fontelles (@JosepBorrellF) November 3, 2020
