Reperja Loredana Zefi ka lançuar së fundmi këngën “Rockstar”. Në projektin e saj më të ri, ajo tregon edhe njëherë faktin se është emër i lakuar, shumë i suksesshëm dhe një “bad girl” që nuk i bëhet vonë as për policinë. Kësaj here reperja ka futur në valle edhe vëllezërit e saj, duke thënë se nuk u trembet prangave sepse ka vëllezërit me vete.
Ndërkohë së fundmi përmes një postimi në “Instastory”, ajo ka zbuluar se me policinë e Kosovës i ka marrëdhëniet mjaft të mira. Reperen e kanë surprizuar me një medalje të policisë së Kosovës, ndërsa ajo s’vonoi ta publikonte në Instagram, duke falenderuar publikisht.
