Ter Stegen paralajmëron: Ozil është si Messi!

Mesut Ozil ka marrë një kompliment për të cilin çdo futbollist do të ndihej krenar, teksa është krahasuar me Lionel Messi. Ishte portieri i Barcelonës, Marc-Andre ter Stegen, i cili bëri paralelizmin në fjalë, në prag të përballjes në Champions League mes Ozil dhe Messi. “Si futbollist, Ozil është një lojtar që mund të bëj gjëra të pabesueshme, ashtu si Messi.” – deklaroi Ter Stegen, i cili luan në krah të Ozil te kombëtarja gjermane. – Ai është mbresëlënëse, ne duhet të tregohemi shumë të kujdesshëm kur ka topin në zotërim. Ozil është një futbollist thelbësor për kombëtaren e Gjermanisë, pikërisht sepse bën gjëra të jashtëzakonshme.” Ter Stegen është portieri titullar i Barcelonës në Champions dhe Kupën e Mbretit Pas dy viteve të vështira në Londër, Ozil ka shpërthyer në këtë sezon, megjithatë ishte Lionel Messi ai që fitoi duelin në ndeshjen e parë duke shënuar dy gola në fitore 2-0 që arriti Barcelona ndaj Arsenal në “Emirates Stadium”. “Të gjithë e dinë se Leo Messi është futbollistë më i mirë në botë, – tha Ter Stegen. – Ai gjithmonë bën gjëra që të tjetër nuk mund të bëjmë. Për ne është krenari që e kemi shok skuadre dhe duam të bëjmë gjithçka për ta ndihmuar. Messi mund të godasë portën nga çdo pozicion dhe në të gjitha mënyrat. Pastaj përkushtimi i tij karshi ekipit dhe shokëve brenda dhe jashtë fushës së lojës është një model për t’u ndjekur.” Barcelona fitoi 2-0 ndaj Arsenal në ndeshjen e parë Ter Stegen refuzoi ta konsideronte skuadrën e Arsenal si të pashpresë për kualifikimin në çerekfinalet e Champions League. “Ata janë një nga skuadrat më të mira në Europë dhe mund të përmbysin çdo rezultat, – deklaroi portieri i Barcelonës. – Duhet të luajmë në nivelin tonë më të mirë për t’u kualifikuar. Arsenal do të bazohet të kundërsulm dhe ka futbollistë të rrezikshëm si Alexis Sanchez, megjithatë mendoj se do të arrijmë rezultatin që na duhet për t’u kualifikuar në këtë sfidë 180 minutëshe.”