Kryeministri Edi Rama dhe qeveria e tij kanë dështuar plotësisht të hapin negociatat me Bashkimin Europian.
Pavarësisht deklaratave optimiste të Ramës, dhe mashtimeve të tij publike se gjoja në të gjitha takimet me liderët europianë për negociatat kanë shkuar si mos më mirë e vërteta është krejt e kundërta.
Gazetari Valadimir Lame shkruan në Facebook, se Holanda i ka mbyllur përfundimsht derën shqipërisë për hapjen e negoviatave në muajin dhjetor, duke i cilësuar ato të parakohshme.
Qeveria holandeze ndryshe nga raporti i KE, mendon se Shqipëria ka bërë hapa pas sa i përket rrugës së saj në Integrimin Europian.
Qeveria holandeze në Hagë e sheh si kusht të paplotësuar votimin e njëanshëm të kodit zgjedhor dhe për këtë kërkon rivendosjen e dialogut politik.
Ja postimi i gazetarit Lame:
Deshtim total i ministrit Cakaj! Hollanda ka vendosur zyrtarisht veton per hapjen e negociatave me BE-ne ne muajin dhjetor duke e konsideruar hap te parakohshem. Qeveria ne Hage ka hedhur poshte kornizen negociatore te Komisionit Evropian duke i konsideruar jo bindese rezultatet qe raporton per Shqiperine. Hollanda kerkon rivendosjen e dialogut politik per reformen zgjedhore dhe zbatimin e saj. Drite jeshile per Shkupin.
Kujtojmë që prej vitit 2013-të dhe deri më sot kushtet e BE për Shqipërinë vetëm janë shtuar, por mbi të gjitha kryekushti ka qenë kodi zgjedhor.
Kryekusht i cili u shkel me vetëdije të plotë dhe me të dyja këmbët nga ana e rilindjes, të cilët dy herë në Kuvendin e Shqipërisë rrëzuan marrëveshjen e 5 qershorit, e cila mori dhe ‘bekimin’ e ndërkombëtarëve.
Edhe pse ligji për kodin zgjedhor u rikthye në Kuvend nga ana e Presidentit të Republikës, madje u kërkua dhe opozioni i Venecias, Rama dhe të tijët dhunshëm dhe me nxitim miratuan kodin zgjedhor që vetë e hartuan sipas oreksit të tyre.
Kryeminsitri Edi Rama vendosi që këtë peshë të rëndë për Shqipërinë siç janë hapja e negociatave t’ia besonte Gent Cakajt, duke i deleguar postimin e Ministrit të Jashtëm, edhe pse ai zyrtarisht është zv.ministër.
Fillimisht ai deklaroi para shqiptarëve se këtë detyrë të rëndësishme ja besonte çirakut të tij Cakaj pasi sipas Ramës: ‘Ai është një nga njerëzit më të zgjuar (Për këtë i kishte folur dhe vetë Baton Haxhiu)’.
Por duke parë dështimin spektakolar të rilindjes për të hapur negociatat në këto 8 vite, Rama si çdo herë edhe këtë radhë e ka gjetur fajtorin, dhe ai është Gent Cakaj.
Ndryshe nga shqipëria, Holanda mendon se Maqedonia e Veriut duhet të vijojë përpra në rrugëtimin e saj drejt BE.
