Arrestohet një 46-vjeçar me dy mbiemra, L. Z. (P.), për të cilin Prokuroria e Rrethit Gjyqësor Berat kishte caktuar ndalimin e tij, për veprën penale “Kanosja për deklarim a dëshmi të rreme”.
Ky shtetas ka qenë në proces gjyqësor për shkatërrim prone me zjarr.
Në datën 28.10.2020 ka kanosur shtetasin A. B., në mënyrë që ky i fundit të deklaronte dëshmi të rreme para organeve të drejtësisë.
“Nga specialistët e Seksionit për Krimet në Komisariatin e Policisë Berat, u bë kapja dhe ndalimi i shtetasit të shpallur në kërkim L. Z. (P.), 46 vjeç, banues në lagjen “Çlirim”, Berat”, tha policia.
Materialet i kaluan Prokurorisë së Rrethit Gjyqësor Berat, për veprime të mëtejshme.
