Bayern Munchen nuk ka ndërmend ta lërë të lirë Robert Lewandowski-n dhe ka përgatitur një ofertë faraonike për të.
Klubi bavarez dhe përfaqësuesit e lojtarit polak kanë gjetur akordin dhe janë fare pranë rinovimit të kontratës, për shifrën e 75 milionë eurove në 5 vitet e ardhshëm.
Konfirmimi u dha nga “Bild”, sipas së cilës negociatat për marrëveshjen e re thuajse kanë përfunduar dhe rinovimi do t’i garantojë një rritje të ndjeshme të përfitimeve sulmuesit 28-vjeçar.
Firma në kontratën që do ta mbajë Lewandowskin të lidhur te Bayerni deri në vitin 2021 duket thjesht formalitet.
Zgjatja e kontratës me bavarezët do të bënte që paga e numrit 9 të skuadrës të shkojë nga 10 në 15 milionë euro neto në sezon, për një total prej 75 milionësh në harkun e pesë viteve të ardhshëm.
