Futbolli shqiptar ndodhet në një rrugë pa krye. Skuadrat e Superiores nuk zbresin në fushë deri në plotësimin e kërkesave të parashtruara ndaj qeverisë
Mbrëmjen e djeshme, i ftuar në “Proçesi Sportiv” ishte sponsori i Vllaznisë, Alban Xhaferi. Xhaferi u shpreh se ka ardhur momenti të gjendet një zgjidhje e mesme, që do i jap fund bojkotit.
Jo vetëm kaq, pasi ai u shpreh se nëse nuk arrihet kompromisi, atëherë sytë duhen hedhur nga opozita.
“Nëse s’ka zgjidhje nga qeveria, kemi gati një kontratë me Opozitën. Ne jemi në një fazë që të gjejmë të mesmen të artë. Nga ana e kryeministrit duhet të dalë dhe të japi një deklaratë. Duhet gjetur një zgjidhje. Duhet shikuar edhe shteti, i cili duhet të japë disa favorizime.
Kërkesat nuk janë politike. Unë jam pro kërkesave, sepse nuk dua të humbas siç kanë humbur presidentët e tjerë.” – tha Xhaferi. /newsport.al
