Prezantuesi i njohur italian Gerry Scotti, i njohur shumë gjithashtu edhe nga shqiptarët, është infektuar me koronavirus. Scotti e bëri publik lajmin me anë të një postimi në rrejtin e tij social Instagram ku shprehet se është izoluar në shtëpi dhe është nën mbikëqyrjen e mjekëve.
“Doja të isha ai që do të iu tregoja: Kam kontraktuar Covid-19. Jam në shtëpi, nën mbikëqyrje mjekësore. Faleminderit të gjithëve për afeksionin dhe interesin” – shkruan prezantuesi i njohur krahas fotos.
Sipas tij origjina e infeksionit ishte kontakti me një të afërm të ngushtë. Për momentin ai është në Milano dhe gjendja e tij shëndetësore paraqitet mirë.
