Edi Paloka, nënkryetar i PD-së, ka reaguar përmes një postimi në rrjetet sociale, lidhur me protagonizmin që një ditë më parë mori Kryeministri Edi Rama, për kthimin në Shqipëri të 4 fëmijëve dhe një gruaje shqiptare nga kampi Al Hol në Siri.
Duke ironizuar Ramën, Paloka shkruan se “superheroi” mburret që shkoi në Libi për të shpëtuar nga “kampi i ferrit” fëmijët, ndërkohë që e ka kthyer Shqipërinë në një kamp ferri.
“Shkon deri ne Liban, harxhon miliona me charter, stereskorta e hotele luksoze (po nga paratë tona) për ti dhënë intervistë Muhamet Veliut që e kishte me vete në charter e për tu mburrur se ishte ai “superheroi” që shpëtoi tre fëmijë nga “kampi i ferrit”, ndërkohë që ka kthyer Shqipërinë në një kamp ferri për shumicën e shqiptarëve…!”, shkruan Paloka.
