Kanabis me vlerë rreth 300.000 paund është sekuestruar nga policia angleze në Rotherham të Anglisë, ndërsa një shqiptar është vënë në pranga javën e shkuar.
Gjashtë oficerë policie mësynë në një banesë në “Peter Street, Thurcroft” të martën (18 tetor). Në banesë, u gjetën 337 bimë kanabisi me vlerë përafërsisht 300,000 £ dhe një shqiptar rreth të 30-tave që gjendej në banesë, është vënë në pranga. Siç raportojnë mediat lokale duke cituar burime zyrtare, shtëpia ishte “modifikuar në mënyrë të rrezikshme”, që droga të rritej në çdo dhomë, shkruan Syri.net.
Një zyrtar i policisë lokale tha se katër dhomat e banesës, ishin mbushur me bimë narkotike në faza të ndryshme të rritjes.
