Khabib vendosi të largohej nga UFC pas një premtimi që i kishte bërë mamasë së tij. Vdekja e babait la gjurmë të pashlyeshme në jetën e luftëtarit dhe pasi përmbushi ëndrrën e babait vendosi t’i japë fund karrierës si luftëtar.
Presidenti i UFC, Dana White, ka komentuar largimin e Khabib dhe e ka falenderuar për atë që ka bërë për këtë sport. Ai e konsideron atë si “GOAT”, më të mirin e të gjitha kohërave.
“Urime Khabib, ke arritur GJITHÇKA që i ke vendosur qëllim vetes. Je luftëtari më i mirë P4P (peshë për peshë) në botë dhe me të vërtetë je “G.O.A.T” i këtij sporti. 29-0”, shkruan biznesmeni amerikan në një postim në Twitter.
