Policia Kufitare në Morinë arrestoi një 42 vjeçar turk, i cili ishte shpallur në kërkim ndërkombëtar.
Sipas policisë, ndalimi i shtetasit turk I.E, 42 vjeç, është bërë pasi gjatë verifikimit të të dhënave në sistem, ky shtetas rezultoi person në kërkim ndërkombëtar nga Interpol Wiesbaden, Gjermani.
Arrestimi provizor i tij u bë në bashkëpunim me Interpol Tiranën, me qëllim ekstradimin në shtetin gjerman.
Autoritetet Gjyqësore Gjermane, kanë caktuar ndaj tij masën e sigurisë “Arrest me burg”, për veprën penale “Trafik droge”, parashikuar nga Kodi Penal i Gjermanisë.
