Presidenca i është përgjigju akuzave të lëshuara më herët gjatë ditës nga kryeministri Edi Rama.
Reagimi i kreut të qeverisë erdhi pas raportimit në një media pranë mazhorancës, që shkruante se Meta i dha nënshtetësinë në kundërshtim me ligjin një futbollisti afrikan të Tiranës, i cili ishte i pandehur për falsifikim të lejes së qëndrimit.
“Ilir Meta ka lidhje me Kushtetutën sa ç’ka lidhje me Topin e Artë ai futbollisti afrikan që mori pashaportën shqiptare për 8 orë nga Iliri, ndërkohë që ishte nën akuzë në Shqipëri për falsifikim dokumentash! Të dy bashkë po, e kanë një lidhje: I kanë bërë gol me kokë drejtësisë”, shkroi Rama në rrjetet sociale.
Përgjigjen, e ka marrë nga zëdhënësi i Presidentit Ilir Meta, Tedi Blushi.
Në një postim në FB, Blushi shkruan:
Nuk kishim asnjë dyshim!
Buburreci Trendi e pranoi më në fund se ai është frymëzuesi dhe autori i vetëm i sulmeve më të ndyra dhe antikombëtare kundër ekipit të FK Tirana, tifozëve të mrekullueshëm dhe komunitetit të nderuar autokton tironas, të cilësuar prej tij dhe portaleve të tij, si “terroristë”.
Urrejtjen tënde për Tironën dhe ngjyrat bardhë e blu nuk ka për të ta amnistuar kush, bashkë me zullumet e tjera të tuat, për të cilat sigurisht do përgjigjesh një ditë.
Sa për pastërtinë e figurës së futbollistit të Tironës, pengu i mafies së inceneratorëve, i kapur tashmë në flagrancë, bën mirë të pyesë në institucionin e sigurisë kombëtare, që nëse na jep leje jemi gati ta publikojmë ne se çfarë thotë për “terroristin” bardhë e blu!
ORA E PËRBALLJES PO AFRON!
Sosi uji i gamiles tënde Mister 1 Prilli!
