Numri i rasteve të infeksioneve ditore me koronavirus në vend është rritur këtë javë në rreth 300 raste të reja, ndërsa mesjavën e kaluar shifra nuk i kalonte 200. Rritje progresive përgjatë javës ka shënuar edhe treguesi i rasteve aktive që këtë të Premte u regjistrua 7 621. Bluzat e bardha ndërkohë kanë shprehur shqetësim dhe për shtimin e numrit të pacientëve që kanë nevoje për mjekim spitalor.
Ministria e Shëndetësisë raportoi sot katër humbje jete, një më shumë se një ditë më parë. Rastet e reja u regjistruan 306, katër më shumë se dje. Bilanci i rasteve aktive, sipas MSH, është rritur sot me 7 621 persona pozitiv me koronavirus, ndërkohë që një ditë më parë ky tregues ishte 7 390.
Lehtë është rritur dhe numri i të shtruarve në spitalet Covid me 260 pacientë të shtruar në spitale këtë të Premte, ndërsa të Enjten u raportuan dy më pak.
Ndërkohë, sot, është rritur numri i të shëruarve – 71, ndërsa dje u shëruan 54 pacientë.
Lexo edhe:
Bilanci ditor i Covid/ Katër humbje jete dhe 306 raste të reja. Harta e të prekurve
