Kamerat e sigurisë në një shtëpi në Miami, kanë filmuar momentin kur një modele ka mbrojtur familjen nga persona të armatosur që hapën zjarr ndaj bashkëshortit të saj.
Ansley Pacheco, që është një modele shumë e njohur në Instagram dhe “OnlyFans”, ishte në dhomën e gjumit kur dy persona mësynë në shtëpi dhe qëlluan drejt bashkëshortit të saj, Daniel dhe miqve të tij në dhomën e ndenjes.
Video tregon modelen 26-vjeçare, që merr pistoletën e saj përpara se të hapë zjarr ndaj dy grabitësve nga dera e dhomës së gjumit.
“Mos qëllo, djali im është këtu,” tha modelja me pistoletën në dorë dhe gjysëm e zhveshur.
Modelja deklaroi se ata qëlluan rreth 6-7 herë, por fatmirësisht, djali i saj shtatë vjeçar nuk mori asnjë plumb.
Grabitësit arritën të merrnin bizhuteri të shtrenjta nga shtëpia, para se të largoheshin nga vendi i ngjarjes mes një breshëri plumbash.
